اسلام آباد۔2نومبر(اے پی پی) قائم مقام صدر سید یوسف رضا گیلانی آکھیے پاکستان اچ جمہوریت دے استحکام تے شفافیت دے ودھارے سانڳے آزادی صحافت ناگزیر اے ،پاکستان آزادی صحافت اتے اظہار رائے دی آزادی تے یقین رکھیندے ، پاکستان دا آئین آزادی اظہار رائے و صحافت اتے معلومات تئیں رسائی دا حق ݙیندے ۔ قائم مقام صدر سید یوسف رضا گیلانی صحافیاں دے خلاف جرائم تے استثنیٰ مکاوݨ دے عالمی ݙینھ تے ایوان صدر میڈیا ونگ توں جاری بیان اچ آکھیے جو صحافیاں دا تحفظ کیتے بغیر آزادی ِصحافت دا تحفظ ممکن کائںی، صحافی اوکھے حالات بالخصوص جھیڑے تے جنگاں دے دوران رپورٹنگ کریندن ،پُرخطر حالات اتے دوران جنگ صحافیاں کوں مختلف خطریں دا سامݨا کرݨا پوندے ۔ قائم مقام صدر آکھیے صحافیاں کوں سنسرشپ ، تشدد ، تڑیاں ،اغواء تے قتل جیھے خطرے ہن ۔ انھاں آکھیے جنگ زدہ علاقیں بالخصوص غزہ اچ اسرائیلی بمباری دے نتیجے اچ وݙی تعداد اچ صحافی قتل تھئن ، اقوام متحدہ موجب غزہ اچ ہݨ تئیں 130 توں دھ صحافی ماریے ڳئن ، اسرائیل میڈیا دے اداریں تے صحافیاں کوں وݙے پیمانے تے نشانہ بݨائے انھاں آکھیے پاکستان اچ صحافیاں تے میڈیا ورکرز دے تحفظ سانڳے اقدامات کیتے ڳئن ، آئین پاکستان آزادی اظہارِ رائے، آزادی صحافت تے معلومات تئیں رسائی دا حق ݙیندے، پاکستان آزادی صحافت اتے اظہارِ رائے دی آزادی تے پکا یقین رکھیندے ۔قائمقام صدر سید یوسف رضا گیلانی آکھیے پاکستان صحافیاں تے میڈیا ورکرز دے تحفظ دا ایکٹ 2021 پاس کیتے۔
