پیرس ۔ 15 ستمبر (اے پی پی)وزیر خزانہ، محصولات، اقتصادی امور و نجکاری سینیٹر محمد اسحاق ڈار پیرس اچ فرانس دیاں ڈو وڈیاں آٹو موبائل کمپنیاں رینالٹ اتے پیگوٹ دے مینوفیکچررز نال ملاقات کیتی۔ انہاں نے اِنہاں کوں حکومت پاکستان ولوں اجھوں اعلان کیتی گئی آٹو موبائل پالیسی بارے ڈسایا ،جیندے اچ غیرملکی سرمایہ کاراں کیتے دلچسپی ، کشش اتے مراعات رکھیاں گئن۔ وزیر خزانہ گزریل ترائے سال دے دوران تھیونڑآلیاں پاکستانی معیشت دی احیاء ، معاشی استحکام اچ ترقی دے ودھدے ہوئے اعتماد تے زورڈتا اتے آکھیا جو ملک اچ نویاں گاڈیاں دی وڈی مانگ ودھدی پئی ہے ۔ انہاں نویاں پالیسیاں اتے ودھدی ہوئی مانگ دے تحت فرانسیسی کمپنیاں کوںپاکستان اچ مینو فیکچرنگ پلانٹ لاونڑ دی پیش کش کیتی۔ رینالٹ اتے پیگوٹ ڈوہائیں کمپنیاں دے سینئر ایگزیکٹوز پاکستانی معیشت اچ قابل ذکر بہتری دی تعریف کیتی اتے پاکستان دے آٹو موبائل شعبے اچ سرمایہ کاری اچ سنجیدہ دلچسپی دا اظہارکیتا۔ سرمایہ کاری بوڈر دے چیئرمین، فرانس اچ پاکستان دے سفیر اتے پاکستان اچ فرانس دے سفیر وی ایں ملاقات دے دوران موجود ہن ۔
