اسلام آباد – 04 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ڀارتي ڏاڍ کان ڇوٽڪاري ۽ ڪشميرين جي آزادي لازمي آهي، 7 ڏهاڪن ۾ مظلوم ڪشميرين جي حق ۾ سڀ کان طاقتور آواز وزيراعظم عمران خان جو آهي جيڪو ڀارتي ظلم کي للڪاري رهيو آهي، نيويارڪ ٽائيمز ۾ مضمون هجي يا آمريڪا ۾ خطاب هو هر فورم تي ڪشميرين جو ڪيس وڙهي رهيو آهي. پنهنجي ٽوئيٽ ۾ ڊاڪٽر فردوس عاشق اعواڻ چيو ته وزيراعظم عمران خان دنيا کي مودي جي شيطاني سوچ ۽ ظلم سان عالمي امن کي ٿيندڙ سنگين نتيجن کان خبردار ڪري رهيو آهي.
