اسلام آباد۔25مارچ (اے پی پی) صدر مملکت آصف علی زرداری وفاقی محتسب دی کارکردگی دی تعریف کریندیں ہوئیں محتسب تئیں رسائی کوں ودھاوݨ کیتے ٻئے اقدامات کرݨ دی لوڑھ تے زور ݙتے تانجو ودھ توں ودھ لوک ایندی خدمات توں فیدہ چا سڳن۔ ایوانِ صدردے پریس ونگ موجب صدر مملکت اے ڳالھیں وفاقی محتسب اعجاز احمد قریشی نال ڳالھ مہاڑ کریندیں ہوئیں آکھی جنہاں سنوار کوں ایوان صدر اچ انہاں کوں وفاقی محتسب دی سالانہ رپورٹ پیش کیتی۔ ملاقات اچ صدرمملکت کوں ݙسیا ڳئیا جو وفاقی محتسب 2023 اچ سرکاری محکمیاں دی بدانتظامی دے خلاف ریکارڈ 194099 شکایاتاں تے کاروائی کیتی۔ ایں موقع تے صدرمملکت وفاقی محتسب دی کارکردگی دی تعریف کیتی اتے رسائی ودھاوݨ کیتے ٻئے اقدامات دی لوڑھ تے زور ݙتا۔
.jpg)
