اسلام آباد۔27مئی(اے پی پی):وفاقی وزیر مذہبی امور سینیٹر طلحہ محمود آکھیے حج انتظامات دے حوالے نال سارے انتظامات دی مکمل نگرانی کر یندے پیوں جیڑھیاں شکایتاں تے مسئلے عازمین دی طرفوں بھجوائے ویندے پئن انہاں کوں وی حل کرایا ویندا پئے ۔ اے ڳالھ انہاں حاجی کیمپ دے دورہ اتے حج ٹریننگ سیشن توں خطاب کریندے ہوئیں آکھی اے ، انہاں آکھیے موبائل فون تے ساریاں شکایتاں براہ راست انہاں تئیں پڄدیاں پئن ، وزارت مذہبی امور کوں ہدایت کیتی ڳئی اے جو عازمین حجاج کوں ہر ممکن سہولت ݙتی ونڄے تے انہاں دی ہر شکایت دا ازالہ کیتا ونڄے۔ طلحہ محمود آکھیے ملک دے حاجی کیمپاں تے سعودی عرب اچ جیڑھے انتظامات کیتے ڳئن وزارت دے حکام اتے میں ذاتی طور تے انہاں توں باخبر ہیسے۔ وفاقی وزیر عازمین دی طرفوں بھجوائے ڳئے وائس نوٹ وی شرکاء کوں سݨیندے ہوئیں آکھیے ایں قسم دی ہر شکایت براہ راست میں کنے تے وزارت دے حکام کنے آندی پئی اےتے اساکوں مکمل طور تے نہ صرف پتہ اے بلکہ انتظامات کوں وی بہتر بݨایا ویندا پئے ۔
.jpg)
