اسلام آباد۔10فروری(اے پی پی):سپیکر قومی اسمبلی راجہ پرویز اشرف نال جمعہ کوں پارلیمنٹ ہاؤس اچ شام دے سفیر رمیز الراعی ملاقات کیتی جیں اچ شام تے ترکیہ اچ آوݨ آلے ہولناک زلزلے سودھے سانجھی دلچسپی دے امور تے ڳالھ مہاڑ کیتی ۔ اسپیکر قومی اسمبلی شام اچ ہولناک زلزلے دے نتیجے اچ قیمتی انسانی جاناں دے ضیان تے ݙکھ تے افسوس کیتے تے آکھیے جو پاکستان دی پارلیمنٹ اتے عوام دی اوکھے ویلھے شام دے عوام نال مکمل یکجہتی دا اظہار کریندن ۔پاکستان دی حکومت تے عوام شامی بھراویں دے ݙکھ اچ برابر دے شریک ہن ۔پاکستان دی پارلیمان اتے عوام مصیبت دے ایں ویلھے اچ شامی عوام نال دلی ہمدردی دا اظہار کریندن ۔سپیکر قومی اسمبلی شام اچ آوݨ آلے اڄوکے زلزلے اچ زخمی تھیوݨ آلے شام دے وزیر اعظم اتے انہاں دے خاندان دی وختی صحتیابی کیتے دعا وی کیتی ۔
