اسلام آباد – 23 سيپٽمبر (اي پي پي) وزيراعظم عمران خان چيو آهي ته فوڊ سيڪيورٽي کي يقيني بڻائڻ اسان جي اولين ترجيح آهي، زرعي شعبي جي بهتري، پيداوار ۾ اضافي ۽ شعبي کي جديد رخن تي هلائڻ جي لاءِ ايڪشن پلان پيش ڪيو وڃي. اهڙن خيالن جو اظهار هن پنهنجي صدارت ۾ زرعي شعبي ۾ سڌارن خاص طور تي زرعي پيداوار ۾ اضافي ۽ فوڊ سيڪيورٽي جي چئلينجز کي منهن ڏيڻ جي لاءِ کنيل قدمن جي حوالي سان جائزه اجلاس کي خطاب ڪندي ڪيو.
