کراچی۔1جنوری(اے پی پی) صدر مملکت ݙاکٹر عارف علوی نال اقلیتی برادری دے وفد گورنر ہائوس کراچی اچ ملین۔ انہاں صدر کوں اقلیتی برادری دے مسلیاں، ملکی ترقی کیتے کردار تے الایا اتے ملک امور اچ ہتھ ونݙاوݨ سانڳے پورے تعاون دا یقین ݙیوایا۔ صدر مملکت ملکی ترقی، خوشحالی کتیے اقلیتی برادری دے کردار دی تعریف کریندے آکھیا جو حکومت ہر سطح تے اقلیتاں دے حقوق دا تحفظ کریندی پئی اے، اقلیتاں کوں اپݨے مذہبی عقائد و عبادات دی ادائیگی کیتے مکمل آزادی حاصل اے۔ صدر مملکت اقلیتی برادری دے مسلے ترجیحی بنیاداں تے حل کرݨ دی یقین دہانی کریندے ہوئے آکھیا جو وزیر اعظم عمران خاں دی اڳواݨی اچ حکومت اقلیتاں کوں ہکو سویں موقع ݙیوݨ کیتے ودھ اقدامات کریندی پئی اے۔
