معیشت اتے سیاسی استحکام اڳوں ودھدے پئن، نو مئی دے واقعیاں کوں بھلایا نی ونڄ سڳدا، ریاستی معاملے اتے عالمی سطح تے تعلقات کوں سیاست اچ نی ڳھن آوݨا چاہیدا، عطاءاللہ تارڑ

2025-03-05 17:35:44

راہوالی/ گوجرانوالہ۔28دسمبر (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو معیشت اتے سیاسی استحکام اڳوں ودھدے پئن، نو مئی دے واقعیاں کوں بھلایا نی ونڄ سڳدا، ریاستی معاملے اتے عالمی سطح تے تعلقات کوں سیاست اچ نی ڳھن آوݨا چاہیدا۔سانحہ 9 مئی دے منصوبہ ساز اتے ماسٹر مائنڈ دے خلاف وی کیس اڳوں ودھݨا چاہیدے۔ چھݨ چھݨ کوں میڈیا نال ڳالھ مہاڑ کریندیں ہوئیں انہاں آکھیا جو سیاسی استحکام کیتے نیک نیتی نال مذاکرات چلدے پئن۔ مذاکرات دا اگلا دور ترائے جنوری کوں تھیسی۔ انہاں آکھیا جو اساݙا مقصد سیاسی استحکام اے۔ معیشت ترقی کریندی پئی اے۔ اساݙے بدترین مخلافت بانی چیئرمین پی ٹی آئی وی آکھ ݙتے جو معیشت ترقی کریندی پئی اے۔ انہاں آکھیا جو مہانگ ڳھٹ ڳئی اے اتے حالات بہترتھیندےپئن۔ شرح سود اچ ڳھٹکی اتے برآمدات تے زرمبادلہ دے ذخائر ودھدے پئن۔ روپے دی قدر مستحکم تھئی اے۔ وفاقی وزیر آکھیا جو مذاکرات دا مقصد سیاسی استحکام اے، تحریک انصاف 26 ویں آئینی ترمیم اچ وی آپݨا کردار ادا کیتے۔ مولانا فضل الرحمان نال وی مذاکرات تھین اتے او معاملے کوں اڳوں ڳھن تے ویندے پئن۔ انہاں آکھیا جو سانحہ نو مئی اچ ملوث جیڑھے85 لوکاں کوں سزائیں تھین، انہاں دے خلاف ناقابل تردید ثبوت ہن۔ وفاقی وزیر اطلاعات آکھیا جو گزریل ݙینھ ڈی جی آئی ایس پی آر تفصیلی پریس کانفرنس کیتی اے اتے دہشت گردی دے خلاف جنگ، 9 مئی اتے 26 نومبر بارے تفصیلی ڳالھ کیتی اے۔ انہاں آکھیا جو پاکستان اچ ہر طرح دی عدالتاں موجود ہن، اگر دفاعی تنصیبات تے حملہ تھیے تاں اوندا ٹرائل وی ملٹری کورٹ اچ تھیسی۔ انہاں آکھیا جو سارے مقدمے قانون دے مطابق چلدے پئن۔ کاروائی اڳوں ودھدی پئی اے۔ عطاءاللہ تارڑ آکھیاجو نو مئی دے کیسز دا فیصلہ عجلت اچ نی تھیا، ایندے اچ ݙوسال دا عرصہ لڳیے۔ فردجرم لڳی اے، اوندے بعد ٹرائل پورا تھیے۔ انہاں آکھیا جو نو مئی دے سارے ملزم کیفر کردار تئیں پڄسن۔ ضلع وزیر آباد بارے سوال دے جواب اچ وفاقی وزیر اطلاعات آکھیا جو وزیرآباد کوں ضلع دی حیثیت مل ڳئی اے۔

مضمون کا ماخذ : نمبروں دا میگا سینا

متعلقہ مضامین