اسلام آباد۔6ستمبر(اے پی پی) نگران وزیراعظم انوار الحق کاکڑ یوم دفاع و شہدا تے مادر وطن سانڳے جاناں دے نذرانے پیش کرݨ آلے ہیروز کوں خراج عقیدت پیش کریندے ہوئیں آکھیے شہدا ساݙے متھے دا جھومر ہن اتے اساں انہاں دیاں قربانیاں دے مقروض ہیسے۔اے ڳالھ انہاں یوم دفاع تے قومی یادگار شکرپڑیاں اچ منعقدہ تقریب توں خطاب کریندے ہوئیں آکھی اے ۔ ایں موقع تے نگران وفاقی وزیر اطلاعات و نشریات مرتضیٰ سولنگی وی موجود ہن۔ نگران وزیراعظم تقریب توں آپݨے خطاب اچ مادر وطن دے دفاع سانڳے آپݨی جاناں دا نذرانہ پیش کرݨ آلے شہدا کوں خراج عقیدت پیش کریندے ہوئیں آکھیے اساں اتھاں یوم دفاع وشہدا دی تقریب اچ شرکت سانڳے موجود ہیسے تے اساں آپݨے شہیداں کوں بھلیے نی ۔ او اللہ دی راہ اچ آپݨی جاناں دا نذرانہ پیش کریندن ۔ شہدا ساݙے متھے دا جھومر ہن ۔ اساں شہیداں تے انہاں دیاں قربانیاں اتے انہاں دے خاندان دے مقروض ہیسے ۔ایں قرض دی ادائیگی اچ جیڑھا چھوٹا جیہا نذرانہ اساں پیش کرسڳدوں او انہاں تے انہاں دے پیاریں دی تکریم اے۔ انہاں آکھیے ایہو او جذبہ اے جیں دا ذکر علامہ اقبال وی اپݨی شاعری دے ذریعے کیتے ۔ شہادت ھک عظیم رتبہ اے جیں دا اللہ تعالیٰ کنے ٻہوں وݙا اجر اے ۔
.jpg)
