اسلام آباد ۔26جون(اے پی پی)سپیشل اولمپکس ورلڈ گیمز اچ پاکستان ہک ٻیا گولڈ میڈل جیتئے جیندے بعد پاکستان دے گولڈ میڈلز 10 تھی ڳن۔ پاکستان دے سفیر عابد سائیکلنگ ایونٹ دی 10 کلومیٹر دروک اچ گولڈ میڈل جیتئے۔ تریمتیں دی سائیکلنگ اچ پاکستان دی مدیحہ طاہر نے چاندی دا تمغہ جیتے۔ ایں توں پہلے پاکستان دے محمد لقمان 100 میٹر ریس اچ گولڈ میڈل ڳھدے اتے لانگ جمپ اچ وی ݙوڄھی پوزیشن نال سلور میڈل جیتئے۔ پاکستان دے میر واعظ 3000 میٹر ریس اچ سلور میڈل جیتے۔ پاورلفٹنگ اچ حبیب اللہ 83 کلوگرام ویٹ کیٹیگری دے ڈیڈ لفٹ اچ گولڈ میڈل جیتئے۔ انہاں اسکواٹ، بینچ پریس اتے کمبائنڈ ویٹ اچ وی سلور میڈل جیتن۔ فیلڈ ہاکی دے مکس ایونٹ اچ پاکستان برونز میڈل جیتے۔ تریڄھی پوزیشن دے میچ اچ پاکستان پیراگوئے کوں 2 دے مقابلے اچ 3 گول توں ہرائے۔ سوئمنگ دی 50 میٹر فری سٹائل اچ پاکستان دے حسن پٹیل برونز میڈل جیتے۔ ٹینس ایونٹ دے ویمنز سنگل ایونٹ اچ پاکستان دی سعدیہ جنید سلور میڈل جیتے۔ باسکٹ بال ایونٹ اچ پاکستان یونیفائیڈ مینز پاکستان یونیفائیڈ مکس کوݨ ہرا تے برونز میڈل جیتے۔ سپیشل اولمپکس ورلڈ گیمز اچ سپیشل اولمپکس پاکستان (SOP) 87 کھلاڑیاں ٻھیڄے ہن جیندے اچوں 33 خواتین اتے 54 مرد شامل ہین۔ اے کھلاڑی 11 کھیݙاں اچ حصہ ڳھندے پن۔ پاکستان ٹینس، ہاکی، پاور لفٹنگ، بوکس، فٹبال، بیڈمنٹن، باسکٹ بال، ایتھلیٹکس، سائیکلنگ اتے تیراکی اچ وی شامل اے۔
.jpg)
