سپریم کورٹ ڈپٹی سپیکر قومی اسمبلی قاسم سوری کوں عہدے تے بحال کر ڈتے ، درخواست تے فیصلے تئیں الیکشن کمیشن کوں ضمنی انتخاب نہ کراونڑ دا حکم

2025-03-10 17:36:51

اسلام آباد ۔ 7 اکتوبر (اے پی پی) سپریم کورٹ ڈپٹی سپیکر قاسم ??وری دے انتخاب کوں کالعدم قرار ڈیونڑ تے بطور رکن قومی اسمبلی انہاں کوں ڈی نوٹیفائی کرنڑ دا فیصلہ معطل کریندے ہوئیں انہاں کوں ڈپٹی سپیکر دے عہدے تے بحال کرڈتے۔ سپریم کورٹ آف پاکستان اچ جسٹس عمر عطا بندیال دی سربراہی اچ 3 رکنی بنچ قاسم ??وری دی الیکشن ٹریبونل دے فیصلے دے خلاف اپیل تے سماعت کیتی جیں اچ قاسم ??وری ولوں ایڈووکیٹ نعیم بخاری عدالت اچ پیش تھئے ۔ عدالت قاسم ??وری دی نظرثانی اپیل سماعت کیتے منظور کر گھدی تے الیکشن ٹریبونل دے فیصلے کوں معطل کریندے ہوئیں انہاں کوں ڈپٹی سپیکر دے عہدے تے بحال کر ڈتے۔سپریم کورٹ الیکشن کمیشن کوں ضمنی انتخاب کراونڑ توں روکیندے ہوئیں حکم ڈتا جو درخواست تے فیصلے تئیں ضمنی انتخاب نہ کرائے ونجن تے انہاں دے حلقہ این اے 265 کوئٹہ ٹو اچ ضمنی انتخاب دا شیڈول جاری نہ کیتا ونجے ۔