اسلام آباد۔9نومبر(اے پی پی) قائم مقام صدر سید یوسف رضا گیلانی مفکر پاکستان اتے شاعر مشرق ڈاکٹر علامہ محمد اقبال کوں انھاں دے یوم ولادت تے شاندار الفاظ اچ خراج عقیدت پیش کریندے آکھیے ڈاکٹر اقبال آپݨی شاعری دے ذریعے برصغیر دے مسلماناں کوں کٹھا کیتا تے انھاں دے افکار تے تقریراں مسلماناں کوں آپݨے سانڳے انڄ ملک گھنݨ سانڳے جدوجہد کرݨ دی تحریک ݙتی ۔ قائم مقام صدر ڈاکٹر علامہ محمد اقبال دے یوم ولادت تے آپݨے سنھیے اچ آکھیے اڄ اساں پاکستان دے قومی شاعر دی خدمات اتے ورثے کوں خراج تحسین پیش کریندوں ، علامہ محمد اقبال دے وژن اتے افکار برصغیر دے مسلماناں اچ آزادی دا جذبہ جڳایا ، مشرق دے ھک فلسفی اقبال دے افکار ھک آزاد ملک بݨاوݨ دا رستہ ہموار کیتا ۔ قائم مقام صدر سید یوسف رضا گیلانی آکھیے 1930 اچ آل انڈیا مسلم لیگ دے سالانہ اجلاس اچ انھاں دا خطاب مسلماناں دے آپݨے حقوق دے تحفظ دے مطالبے دی ترجمانی ہئی، اپݨی شاعری دے ذریعے انہاں برصغیر دے مسلماناں کوں ھک مٹھ کیتا تے انھاں دے افکار اتے تقریراں مسلماناں کوں آپݨے سانڳے انڄ ملک گھنݨ کیتے جدوجہد کرݨ دی تحریک ݙتی ۔ قائم مقام صدر مملکت آکھیے اقبال برصغیر دے مسلماناں سانڳے ھک آزاد وطن بݨاوݨ دی بنیاد رکھیندے برطانوی ہندوستان اچ مسلماناں دے حقوق اتے سیاسی نمائندگی دی حمایت کیتی اقبال دے سنھیے اچ اسلامی اقدار، روحانی اتے ثقافتی احیاء تے زور ݙتا ڳئے جیں توں پاکستان دی شناخت تشکیل پاتی، انھاں دا وژن اڄ وی نینگراں کوں متاثر کریندا پئے تے پاکستان دی اقدار برقرار رکھݨ تے ترقی سانڳے جدوجہد کرݨ سانڳے انھاں دی رہنمائی کریندے۔
