اسلام آباد۔8ستمبر(اے پی پی) قومی اسمبلی دے اسپیکر سردار ایاز صادق آکھیے تعلیم ملکی ترقی اتے خوشحالی دا سنگ بنیاد اے۔خواندگی دے عالمی ݙینھ تے آپݨے سنھیے اچ انھاں ایں ڳالھ تے روشنی پاتی جو پاکستان دی پارلیمنٹ پورے ملک اچ خواندگی دے ودھارے سانڳے موثر اقدامات کیتن ۔ آئین موجب 5 توں 16 سال دی عمر دے ٻالاں کوں مفت تعلیم ݙیوݨ حکومت دی ذمہ واری اے۔اسپیکر قومی اسمبلی ایں ڳالھ دی تصدیق کیتی جو موجودہ حکومت ملک اچ شرح خواندگی ودھاوݨ سانڳے خصوصی اقدامات کریندی پئی اے انھاں ایں ڳالھ تے زور ݙتے جو خواندگی اچ ودھارا سماجی اتے اقتصادی ترقی سانڳے ضروری اے ، انھاں آکھیے ھک تعلیم یافتہ قوم خوشحال مستقبل دی کنجی اے۔انہاں سارے اسٹیک ہولڈرز تے زور ݙتے جو او خواندگی کوں ودھارا ݙیوݨ اچ تعاون کرن تے نینگر نسل کوں تعلیم نال آراستہ کرݨ اچ تعاون کرن تے کیوں جو اے ملک دی ترقی تے خوشحالی اچ اہم کردار نبھیندی اے۔
.jpg)
.jpg)
