اسلام آباد۔17مئی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو وزیراعظم شہباز شریف دے وژن دے تحت ملکی معیشت کوں ولا پٹڑی تے ڳھن آوݨ کیتے پرعزم ہیسے۔ اڄوکی حکومت اقتدار سنبھالݨ دے بعد پاکستان دی معاشی ترقی تکھی تھئی اے۔ اے ڳالھیں انہاں پاکستان اچ جاپان دے سفیر مٹسو ہیرو واڈا نال ملاقات اچ آکھی۔ ملاقات اچ ݙوپاسہ سفارتی تعلقات، میڈیا دے شعبیاں اچ تعاون ، فیک نیوز ، حکومت دے معاشی کماں سودھے آپسی دلچسپی دے اہم مسئلیاں تے ڳالھ کیتی ڳئی۔ ایں موقع تے ڳالھ مہاڑ کریندیں ہوئیں وفاقی وزیر آکھیا جو پاکستان اتے جاپان وچال دوستی اتے تعاون دا پراݨا رشتہ اے، اوکھے ویلھے جاپان دا تعاون پاکستان دی عوام کیتے ہمیشہ قابل قدر رہیے۔ انہاں آکھیا جو جاپان انٹرنیشنل کوآپریشن ایجنسی (جائیکا) پاکستان دی ترقی اچ تعاون کریندی پئی اے۔ ایں موقع تے جاپان دے سفیر پاکستان نال مضبوط تعلقات دی خواہش کیتی۔
.jpg)
.jpg)
