اسلام آباد۔5مارچ(اے پی پی):وزیر اعظم محمد شہباز شریف آکھیے ساریں توں گھٹ ترقی یافتہ ملک موسمیاتی تبدیلیاں، وبائی مرض دے بعد،خوراک اتے توانائی دی فراہمی اچ جیو اسٹریٹجک رکاوٹ توں متاثر تھئن۔ آپݨے ٹویٹ اچ وزیر اعظم محمد شہباز شریف آکھیے قطر دے امیر اپݨے بھرا شیخ تمیم بن حمد الثانی دی دعوت تےاقوام متحدہ دی گھٹ ترقی یافتہ ملکاں دی 5ویں کانفرنس (LDCs) اچ شرکت کیتے حالی دوحہ پڄاں ۔ انہاں آکھیے میں ایشیا اتے افریقہ اچ ایل ڈی سیزکوں پیش آندے سماجی و اقتصادی چیلنجاں بارے پاکستان دے نقطہ نظر بارے ݙسیساں ۔ وزیراعظم مزید آکھیے ساریں توں گھٹ ترقی یافتہ ملک موسمیاتی تبدیلیاں، وبائی امراض دے بعد خوراک اتے توانائی دی فراہمی دے سلسلے اچ جیو اسٹریٹجک رکاوٹ توں ٻہوں متاثر تھئن تے انہاں عالمی واقعات انہاں کوں غیر محفوظ کرݙتے۔ انہاں آکھیے عوام دی فلاح و بہبود کوں پبلک پالیسی دا مرکز بݨا تے ایل ڈی سیز دی بہتر خدمت کیتیاں ونڄ سڳدن ۔
.jpg)
