اسلام آباد – 30 مئي (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته پي ٽي وي پارليامينٽ چينل تي پارليامينٽ جي ٻنهي ايوانن، اسٽينڊنگ ڪميٽين جي ڪارروائي سڌوسنئون ڏيکاري ويندي، پارليامينٽ چينل چونڊيل نمائندن ۽ عوام جو پاڻ ۾ گهرو رابطو ڳنڍيندو، اسٽينڊنگ ڪميٽيون ادارن کي مستحڪم ڪن ٿيو. هو پي ٽي وي سينٽر ۾ پي ٽي وي پارليامينٽ چينل جي افتتاحي تقريب کي خطاب ڪري رهي هئي. افتتاحي تقريب ۾ قومي اسيمبلي جي اسپيڪر سردار اياز صادق، سينيٽ جي اطلاعات ۽ نشريات بابت اسٽينڊنگ ڪميٽي جي چيئرمين فيصل جاويد، اطلاعات ۽ نشريات واري سيڪريٽري ۽ پي ٽي وي جي ايم ڊي سردار احمد نواز سکيرا بٽڻ دٻائي پي ٽي وي پارليامينٽ چينل جو باقاعده افتتاح ڪيو.
