کراچی۔3جولائی (اے پی پی):وزیراعظم دےمعاون خصوصی برائے سیاسی ابلاغ ڈاکٹر شہباز گِل آکھیا جو اساݙی قوم نبی کریم ﷺدی امت اے، اساں کہیں نال زیادتی یا حملہ کرݨ آلی قوم کائنی، وزیراعظم ݙرون حملیاں دے خلاف ہن، وزیراعظم امریکی اݙیاں بارے ݙو ٹوک جواب ݙتے، بلاول زرداری جیڑھی عرضیاں چا تے واشنگٹن ویندے پئن او اساں کائنا تھیوݨ ݙیسوں۔ سندھ اچ بجٹ پاس جلدی اچ کرایا ڳئے، میڈیا دے بقایے ݙے ݙتے ڳئن، ہݨ مالکان ورکرز کوں تنخواہیں ݙیون۔ اے ڳالھیں انہاں ہفتے کوں اتھاں پاکستان تحریک انصاف (پی ٹی آئی) دے مرکزی رہنما و اپوزیشن لیڈر سندھ اسمبلی حلیم عادل شیخ دے گھر پریس کانفرنس نال خطاب کریندیں ہوئیں آکھی۔ ایں موقع تے حلیم عادل شیخ سمیت سینئر رہنما حاجی مظفر شجراع، نعیم عادل اتے ٻئے پی ٹی آئی دے رہنما موجود ہن۔ ڈاکٹر شہباز گِل آکھیا جو پیپلز پارٹی سارا کھاتہ مشرف دے زمانے تے پا ݙیندن، کونڈولیزا رائس لکھیا جو مشرف اتے بے نظیر وچال ݙیل کرائی، وجہ امریکہ دے فائدے دا ہئی، اے کتاب چھپ ڳئی اے، ایں کوں کتھائیں چیلنج کائنی کیتا ڳیا، ایں ڈٰیل دا نتیجہ اے نکتا جو 340 ڈرون حملے تھیے، مشرف دور اچ 13 ڈرون حملے تھیے۔مسلم لیگ ن دے دور اچ 61 حملے تھیے۔
