اسلام آباد ۔ 25 جولائی (اے پی پی)وزیراعظم عمران خان قوم نال اپنڑا اے وعدہ دوہریندے آکھیے جو کڈاھیں قوم کوں مایوس نہ کریساں، کہیں دے اگو جھکنڑ ڈیساں نہ آپ جھکساں،چوراں اتے ڈاکوں توں لٹیا گیا پیسہ پیسہ ول گھن تے عوام تے خرچ کریسوں،ملک دے ادارے ٹھیک کرڑن،او ڈینہہ آونڑ آلا اے جڈاں پاکستان جگ دا عظیم ملک بنڑ ویسی۔ امریکہ توں ولنڑ تے اسلام آباد ائیرپورٹ تے پارٹی رہنماواں اتے کارکنوں نال خطاب کریندے ہوئے وزیراعظم عمران خان دا آکھنڑ ہا جو اساں اے نئیں بھلنڑا جو اساں ہک عظیم قوم بنڑنے جیندا خواب علامہ اقبال اتے قائداعظم محمد علی جناح ڈٹھا ہا، اساں ہک خود دار قوم بنڑنے،میڈا اے مقصد اے جو پاکستان کو ں ریاست مدینہ دے اصولاں دے مطابق ہک عظیم ملک بنڑاواں۔انہاںا ٓکھیے جو پاکستان کوں اوکھے حالات توں کڈھسوں،چور ڈاکو جیویں حالات چھوڑ تے گین، اداریاں کوں نقصان پچائے،اساں ایکوں ٹھیک کریسوں اتے ملک کوں اپنڑے پیریں تے کھڑا کریسوں۔انہاں آکھیے جو جگ صوف اوں قوم دی عزت کریندے جیہڑی اپنڑی عزت کراونڑ جانڑدی ہووے،جگ دے اگو ہتھ پھیلاونڑ آلیاں دی کوئی عزت نئیں ہوندی۔وزیراعظم آکھیے جو ایں ہک سال اچ اساں ملک دی سمت درست کرنڑ کیتے بہوں محنت کیتی اے،لٹیریاں دا احتساب ہر صورت کریسوں،جیلاں اچ سٹیسوں،مغربی ملکاں کوں پاکستان دا چوری کیتا گیا پیسہ ولاونڑ کیتے مدد دی درخواست کیتی اے۔وزیراعظم آکھیے جو او ویلھا آونڑ آلا اے جڈاں پاکستان دے ساوے پاسپورٹ دی پورے جگ اچ عزت ہوسی۔
.jpg)
