مڪو شريف-10 جون(اي پي پي) سعودي عرب جي اسلامي معاملن، دعوت ۽ رهنمائي، حج ۽ عمره ۽ زيارت واري وزارت خادم حرمين الشريفين جي مهمانن جي پروگرام جي حصي تحت طور مهمانن جو استقبال جاري آهي. وزارت طرفان اهو قدم 88 ملڪن جي 2322 مرد ۽ عورت حج پانڌيئڙن جي ميزباني جي شاهي حڪم نامي موجب ڪيو ويو آهي. هن پروگرام ۾ 47 ملڪن جي 460 حج پانڌيئڙن کي ڀليڪار چيو ويو جنهن کانپوءِ 51 ملڪن جي 494 حج پانڌيئڙن حج جي سعادت حاصل ڪئي. اهي مهمان وزارت طرفان فراهم ڪيل خدمتن جي هڪ جامع نظام مان فائدو کڻن ته جيئن اهو يقيني بڻائي سگهجي ته هو آساني سان مناسڪ حج ادا ڪري سگهن. وزارت جو مقصد اعتدال پسند اسلامي بيداري جي باوقار تصور جي عڪاسي ڪرڻ، ٻنهي مقدس مسجدن ۽ ان جي حج ۽ عمري زائرين جي خدمت ۾ دانشمنداڻي قيادت جي ڪوششن کي اجاگر ڪرڻ ۽ سهولت لاءِ هر ممڪن ذريعن کي استعمال ۾ آڻڻ آهي.
