اسلام آباد۔9نومبر (اے پی پی)وزیراعظم پاکستان محمد شہبازشریف شاعر مشرق علامہ محمد اقبال ؒ کوں خراج عقیدت پیش کریندیں ہوعیں آکھیا جو او ہک عظیم فلسفی، مفکر اتے ادیب ای نی بلکہ قاری تے مفسر قرآن وی ہن۔ بدھ کوں یوم اقبال تے آپݨے ٹویٹ اچ انہاں آکھیا جو اقبال ؒ دا کلام ذہنی تےقلبی انقلاب دا ذریعہ ہئی، اڄ وی ویلھے تے سرحد دی قید توں نکل تے پوری دنیا تئیں پڄدا پے۔ انہاں آکھیا جو پاکستان دے نینگراں کوں اڄ فکر اتے فرمودات اقبال توں رہنمائی ڳھنݨ دی لوڑھ اے۔ ایں کیتے نومبر دے ہر ݙینھ کوں اساں فکر اقبال دے فروغ دا ذریعہ ٻݨٰیسوں۔ اساکوں حضرت اقبال توں سکھݨا چاہیدے۔
