اسلام آباد۔20جنوری (اے پی پی) وفاقی وزیر اقتصادی امور سردار ایاز صادق آکھیا جو پاکستان دے روس سودھے پوری دنیا نال سارے ملکاں اچ چنڳے تعلقات ہن، سانجھے حکومتی کمیشن دے اجلاس نال پاکستان اتے روس ݙوہیں ملکاں وچال تعلقات دا نواں دور شروع تھیسی۔ جولائی اچ پاکستان اچ آوݨ آلے چھل پاروں وݙی تعداد اچ لوک متاثر تھین اتے معیشت دا ضیان تھیے۔ ایں حالات اچ قرضے دی ادائیگی موخر کرݨ تے شکریہ ادا کریندوں۔ اے ڳالھیں انہاں جمعے کوں پاک روس بین الحکومتی کمیشن دے چھیکڑی سیشن توں خطاب کریندیں ہوئیں آکھی۔ انہاں آکھیا جو اساں روس دے معزز مزماناں دا خیر مقدم کریندوں جیڑھے پاکستان آئن۔ اساں کیتے فخر دی ڳالھ اے جو بین الحکومتی کمیشن دے اجلاس دی میزبانی کریندے پن۔ عالمی سطح تے معاشی ابتری اتے کساد بازاری توں پاکستان وی متاثر تھیے۔ انہاں آکھیا جو بین الحکومتی کمیشن دے اجلاس اچ آپسی دلچسپی دے معاملیاں تے ریل فوڈ سیکیورٹی ،تیل تےگیس قدرتی وسائل اتے ٻے شعبیاں اچ تعاون تے ڳالھ تھئی اے۔ توانائی دے شعبے اچ نشابر پیش رفت تھئی اے۔ مذاکرات دے نتیجے اچ کئی معاہدے تھیندے پن۔ بین الحکومتی کمیشن دے اجلاس اچ ہاکستان اتے روس وچال توانائی،تیل وگیس،زراعت ،مالیات،تجارت،سرمایہ کاری،کسٹم،صنعت،تعلیم سائنس اتے ٹیکنالوجی دے شعبے،مواصلات روڑز ،پوسٹل سروس اتے ریلوے دے شعبیاں اچ تعاون کوں ودھاوݨ تے ڳالھ تھئی اے۔
.jpg)
