اسلام آباد۔4جولائی(اے پی پی)پنجاب حکومت صوبے اچ 100 یونٹ تئیں بجلی استعمال کرݨ آلے صارفین کیتے مفت بجلی ݙیوݨ دا اعلان کیتے۔ اے اعلان وزیراعلیٰ پنجاب میاں حمزہ شہباز نیوز کانفرنس اچ کیتے جو ضرورت مند لوکاں کوں مفت سولرپینل ݙیسوں، مہنگائی دا جن تیکھے بوتل اچ ڈھک ݙیسوں، پچھلے 6 مہینے توں 100 یونٹ ماہانہ بجلی استعمال کرݨ آلیاں کوں بجلی مفت ملسی، اساں کوڑے وعدے نئیں لوکاں دی خدمت اتے عمل تے یقین رکھدے ہیں، ہݨ ترقی دا نواںد ور شروع تھیسی، پنجاب دے ہسپتالاں اچ دویاں مفت ملسن، ݙینھ رات ہک کرتے ملکی معیشت کوں تکڑا کریسوں۔ انہاں آکھیا جو ساݙا مقصد اپݨی سیاست نئیں ریاست بچاوݨ اے، لوک سازش دا بیانیہ سݨ سݨ تے اک ڳین، ہݨ ملک اتے قوم کیتے کڄھ کرݙکھاوݨ دا ویلھا اے۔
