پشاور – 26 – آڪٽوبر (اي پي پي) خيبرپختونخواهه جي عوام ۽ ڪشميري 27 آڪٽوبر کي ڪاري ڏينهن طور ملهائيندا ۽ گڏيل قومن جي سلامتي ڪائونسل مان پنهنجي قراردادن تي عملدرآمد جو مطالبو ڪندا، ڪشمير تي خيبرپختونخواهه جي سمورن 35 ضلعن ۾ وڏن احتجاجي مظاهرن ۽ ريلين جو منصوبو بڻايو ويو جتي خيبرپختونخواهه جا ماڻهو ڪشميرين سان يڪجهتي جو اظهار ڪندا، اهي پلي ڪارڊز ۽ بينرز کڻندا ته جيئن ڀارت پاران ڄمون ۽ ڪشمير تي غيرقانوني قبضي جي خلاف احتجاج ڪري سگهجي.
