منيلا -19 مارچ (اي پي پي) آمريڪي پرڏيهي وزير انٽوني بلنڪن هلندڙ هفتي سعودي عرب ۽ مصر جو دورو ڪندو، جتي هو غزه ۾ جنگ بندي ۽ انساني همدردي جي بنياد تي امداد ۾ واڌ ڪرڻ جي ڪوششن تي ڳالهيون ڪندو. فرانس جي خابرو اداري مطابق اها ڳالهه آمريڪي پرڏيهي کاتي جي ترجمان ميٿيو ملر گذريل ڏينهن فلپائن مان ٻڌائي جتي هو سعودي اڳواڻن سان ملاقات ڪندو. ان کان پوءِ هو خميس ڏينهن مصر ويندو ۽ مصري اختيارين سان ملاقاتون ڪندو. هن چيو ته پرڏيهي وزير فوري جنگ بندي جي معاهدي تائين پهچڻ جي ڪوششن تي خيالن جي ڏي وٺ ڪندو جيڪي ٻين سڀني يرغمالين جي آزادي کي يقيني بڻائن ٿيون، غزه لاءِ انساني امداد کي وڌائڻ لاءِ عالمي ڪوششن کي تيز ڪري ٿو.
