لاہور۔28اگست(اے پی پی) ڈائریکٹر جنرل پراونشل ڈیزاسٹر مینجمنٹ اتھارٹی پنجاب عمران قریشی آکھیے دریائے ستلج دے نیڑے نشیبی علاقے 17 اگست توں چھل دی زد اچ ہن جتھاں امدادی سرگرمیاں جاری ہن۔ سنوار دے ݙینھ جاری تھیوݨ آلی رپورٹ اچ ݙسایا ڳئے جو دریائے ستلج اچ پاݨی دے نتیجے اچ آوݨ آلی چھل توں پنجاب دے ٻہوں سارے ضلعیں اچ 480 وستیاں پاݨی اچ آڳئن ، ساریں توں ودھ 155 وستیاں تے موضع ضلع بہاولنگر اچ آئن ، قصور دیاں 93، وہاڑی دیاں 77، اوکاڑہ دیاں76، بہاولپوردیاں 47 اتے لودھراں دیاں 14 وستیاں تے موضعے اچ پاݨی آڳئے ۔ ڈی جی پی ڈی ایم اے آپݨے بیان اچ آکھیے متاثرہ ضلعیں اچ 95 میڈیکل کیمپ لوکاں کوں طبی سہولتاں ݙیندے پئن ، 20 ایمبولینساں ایمرجنسی صورت حال اچ امداد سانڳے ہر ویلھے موءجود ہن ، 36 ہزار توں ودھ لوکاں کوں ہݨ تئیں علاج معالجے دیاں سہولتاں ݙتیاں ڳئن ، میڈیکل دے علاوہ 178ریلیف کیمپس وی متاثرہ ضلعیں اچ کم کریندے پئن ۔ انہاں ݙسائے ھک لکھ دے نیڑے لوکاں کوں محفوظ جاہ تے پڄایا ڳئے ، 2 لکھ توں ودھ لوکاں کوں ایمرجنسی ٹرانسپورٹ دی سہولت ݙتای ڳئی اے 70 ہزار لوکاں کوں پکیا ہویا روٹی ٹکر ݙتا ڳئے ۔ 1.5 لکھ مال ڈھور کوں بیماریاں توں بچاوݨ کیتے دوائیں تے ویکسینیشن کیتی ڳئی اے ۔ ریلیف کمشنر پنجاب نبیل جاوید دا آکھݨ اے جو چھل مکݨ تئیں امدادی سرگرمیاں جاری رہسن ۔
.jpg)
.jpg)
