صحبت پور۔4جنوری (اے پی پی):وزیراعظم شہباز شریف صحبت پور اچ سمارٹ سکول دا افتتاح کرݙتا، اے سمارٹ سکول سیلاب توں تباہی دا شکار علاقے اچ 2 مہینے دی ریکارڈ مدت اچ تعمیر کیتا ڳئے۔ٻدھ کوں صحبت پور دے ھک ݙٰینھ دے دورے دے موقع تے وزیراعظم ایں سکول دا افتتاح کیتا۔ وزیراعظم دی ہدایت تے سکول اچ آئی ٹی دی جدید سہولتاں ڈتیاں گئن ۔ سکول اچ الیکڑانک سمارٹ بورڈز (تختہ سیاہ) ݙتے ڳئن ۔ وزیراعظم سمارٹ سکول کوں بلوچستان اچ پہلے دانش سکول اچ بدالݨ دا اعلان وی کیتا ۔ ایں موقع تے وزیراعظم سکول دے ٻالاں نال گھل مل ڳئے ۔ وزیراعظم طالب علماں دے نال انہاں دے کلاس رومز اچ ٻہہ ڳئے ۔ وزیراعظم ٻالاں دے نال کھیݙ اچ وی حصہ ڳھدا۔ طالب علماں نال ڳالھ مہاڑ کریندے ہوئیں انہاں آکھیے تعلیم و تربیت تے ہنر مندی نال ہی غربت وجہالت دا مقابلہ ممکن اے،تساݙی تعلیم ہی او ہتھیار اے جیں توں اساں پاکستان کوں خوشحال اتے ترقی یافتہ بݨا سڳدوں ، تساݙی تعلیم نال ہی انقلاب آسی ۔ انہاں آکھیے بلوچستان دی ترقی تساݙی ترقی اے، تساݙی ترقی پاکستان دی ترقی اے۔
.jpg)
.jpg)
