اسلام آباد۔22نومبر (اے پی پی) صدر مملکت دی اہلیہ بیگم ثمینہ عارف علوی آکھیا جو چھاتی دے کینسر کوں ویلھے تے تشخیص، علاج اتے توجہ نال ہرایا ونڄ سڳدے۔ اے ڳالھیں انہاں منگل کوں علامہ اقبال اوپن یونیورسٹی اچ بریسٹ کینسر بارے آگاہی سیمینار توں خطاب کریندیں ہوئیں آکھی۔ انہاں آکھیا جو چھاتے دے کینسر دی شرھ اچ ہر سال تشویشناک حد تئیں ودھارا تھیندا پے اتے ایندی وݙی وجہ لوکاں اچ ایں مرض بارے آگاہی دا نہ ہووݨ اے۔ انہاں آکھیا جو آپݨے روزمرہ دے دے معمولات اچ اساں کم دے نال صحت دی ݙیکھ بھال نی کریندے ۔ ساریاں کیتے میݙا سنیھا اے جو ہر مہینے ہک واری اپݨا چیک اپ کرایا ونڄے۔ ڈین فیکلٹی آف سائنس، پروفیسر ڈاکٹر ارشاد احمد ارشد سیمینار دی صدارت کیتی جڈانجو پاکستان انسٹی ٹیوٹ آف میڈیکل سائنسز دے شعبہ ریڈیالوجی دی سربراہ ڈاکٹر عائشہ عیسانی وی سیمینار توں خطاب کیتا۔
