اسلام آباد۔9جولائی (اے پی پی) چین پاکستان اقتصادی راہداری منصوبے(سی پیک) دے تحت سکھی کناری پن بجلی منصوبہ مکمل تھی ڳئے جئیں نال قومی گرڈ844میگاواٹ بجلی شامل ہوسی۔ منگل کوں چائنہ انرجی انٹرنیشنل گروپ لمیٹڈ پاکستان برانچ دے مینجنگ ڈائریکٹر،چائنا چیمبر آف کامرس ان پاکستان وانگ ہوئی ہوا ’’ اے پی پی ‘‘ نال خصوصی ڳالھ مہاڑ کریندیں ہوئیں آکھی جو 2013 اچ تعمیر شروع تھیوݨ دے بعد توں سی پیک نشابر کامیابیاں حآصل کیتن۔ سی پیک فریم ورک دے تحت منصوبیاں اچ 1.9 ارب ڈالر مالیت دے 884 میگاواٹ سکھی کناری ہائیڈرو پاور پراجیکٹ مکمل تھی ڳئے۔ انرجی چائنہ پاکستان اچ ٻئی سرمایہ کاری کرݨ کیتے ترجیحی بنیاداں تے اقدام کریندی پئی اے۔ انہاں آکھیا جو ہݨ تئیں سی پیک دے تحت پاکستان کیتے مجموعی طور 25.4 بلین ڈالر دی براہ راست سرمایہ کاری آئی اے، 236,000 ملازمتاں پیدا تھین، 510 کلومیٹر شاہراہیں، 8،000 میگاواٹ توں ودھ بجلی اتے 886 کلومیٹر نیشنل کور ٹرانسمیشن گرڈ دا اضافہ تھیے۔ انہاں آکھیا جو گوادر بندرگاہ، نقل و حمل دے بنیادی ڈھانچے، توانائی اتے صنعت تے توجہ ݙیندیں ہوئیں ابتدائی تعاون دی ترتیب توں ڳھن تے ترقی، لوکاں دے دے ذریعے معاش، جدت ، ماحول دوست اتے کھلے پن دے’’سی پیک دےاپ گریڈڈ ورژن‘‘ تئیں، چین پاکستان اقتصادی راہداری مستقبل اچ پاکستان کیتے بئے ترقی دے موقع ملسن۔ محنتی انجینئرز اتے سرشار کارکناں توں ڳھن تے اساݙے قابل قدر سانجھے دار اتے معاونین تئیں، تساݙی سانجھے داری انمول رہی اے۔ اے ٹرانسمیشن لائن صرف ہک تکنیکی کامیابی توں ودھ اے اے ترقی دے علامت اے اتے ہک لچکدار اتے قابل اعتماد توانائی دے نیٹ ورک دی تعمیر دے اساݙے عزم دا ثبوت اے۔ انہاں آکھیا جو میکوں یقین اے جو 500KV ڈبل سرکٹ کواڈ بنڈل ٹرانسمیشن لائن اساݙے نیشنل گرڈ دی صلاحیت کوں ودھاوݨ، نیلم جہلم اتے844 میگاواٹ دے سکھی کناری پراجیکٹ کوں جوڑ تے بجلی دی مستحکم اتے موثر ترسیل کوں یقینی ٻݨاوݨ اچ اہم کردار ادا کریسی۔ اے پروجیکٹ گرڈ انفراسٹرکچر کوں بہتر ٻݨاوݨ کیتے اساݙی حکمت عملی دا سنگ بنیاد اے جیڑھا لکھاں لوکاں دے معیار زندگی کوں براہ راست متاثر کریندے۔ اے ٹرانسمیشن لائن سی پیک صنعتی زونز، خصوصی اقتصادی زونز (سیز) اتے شہری مراکز دی مدد کریسی جو سرمایہ کاری اتے ترقی کیتے سازگار ماحول پیدا کریسی۔بجلی دے کارخانے، کاروباراں اتے گھراں کوں درکار توانائی ݙٖے تے، اساں پائیدار اقتصادی ترقی دی بنیاد رک??یندے پئیوں۔ انہاں آکھیا جو میں پاکستان دے توانائی دے شعبے دی ترقی کیتے چائنا انرجی انجینئرنگ کارپوریشن (سی ای ای سی) دے غیر متزلزل عزم تے وی زور ݙیوݨ چاہنداں۔ ای?? موقع تے سی پیک دے سابق پراجیکٹ ڈائریکٹر اتے انرجی چائنہ پاکستان دے سینئرمشیر ڈاکٹر حسان دائود بٹ اتےسکھی ہائیڈرو پراجیکٹ دے ڈائریکٹر ایڈمنسٹریشن ایلن کن وی موجود ہن۔(م ن،س ،ک)14:53
.jpg)
