فیصل آباد ۔26دسمبر (اے پی پی):نمائندہ خصوصی وزیراعظم بین المذاہب ہم آہنگی و مشرق وسطیٰ و چیئرمین پاکستان علما کونسل و متحدہ علما بورڈ حافظ محمد طاہر محمود اشرفی آکھیے جو دنیا جاݨ ڳئی اے جو کہیں مذہب دی توہین آزادی اظہار کائنی، اے ڳال روز روشن وانڳوں عیاں اے جو آپ ؐ دی شان اچ گستاخی توں مسلماناں دے جذبات مجروح تھیندن کیونکہ آپؐ مسلماناں کیتے انہان دی جان و مال توں وی ودھ عزیز ہن ۔اتوار کوں کینال پارک فیصل آباد اچ علما و مشائخ کنونشن توں خطاب اچ انہاں آکھیے جو ناموس رسالتؐ تے پوری دنیا ہم آواز اے جݙاں جو موجودہ تناظر اچ روسی صدر ولادی میر پوٹن دا دلیرانہ بیان ہوا دا خوشگوار جھونکا اے اتے روسی صدر وی ناموس رسالتؐ تے اساݙے وزیراعظم عمران خان دے مؤقف دی تائید کریندے پئن ۔
