تاپی گیس منصوبے تے عملدرآمد جاری ہے، اقتصادی تعاون تنظیم رکن ملکاں وچال تعمیری مذا کرات سانگے اہم فورم ہے، ای سی او رکن ملکاں دی ترقی دیاں راہواں متعین کرڈتیاں ہن
اسلام آباد ۔ یکم مارچ (اے پی پی) ترکمانستان دے صدرقربان گل بردی محمدوف آکھیا ہے جو تاپی گیس منصوبے تے عملدرآمد جاری ہے، اقتصادی تعاون تنظیم رکن ملکاں وچال تعمیری مذا کرات سانگے اہم فورم ہے، ای سی او رکن ملکاں دی ترقی دیاں راہواں متعین کرڈتیاں ہن۔بدھ کوں اتھاں 13ویں اقتصادی تعاون تنظیم(ای سی او) سربراہ اجلاس توں خطاب کریندے ہوئیں انہاں آکھیا جو ای سی او اہم معاملات بالخصوص سلامتی اچ شراکت داری کوں ودھارا ڈیونڑ اچ چنگی صلاحیت رکھیندی ہے انہاں آکھیا جو ای سی او دے رکن ملکاں وچال توانائی دے شعبے اچ تعاون دی ضرورت تے زور ڈتا تے ترکمانستان دی توانائی دی پالیسی ودھ ساری حکمت عملی تے مبنی ہے انہاں آکھیا جو تاپی گیس پائپ لائن منصوبے تے کم شروع کر ڈتا گیا ہے ای او ملکاں دی شراکت ایں منصوبے کوں عملی جامہ پوایا ۔انہاں آکھیا جو ترکمانستان، پاکستان اتے افغانستان تے مشتمل سہ فریقی منصبے دے تحت فائبر آپٹک منصوبے تے وی کم تھیندا پیا ہے ۔انہاں آکھیا جو اقتصادی راہداریاں نال عالمی امن کوں ودھارا ڈتا ونج سگدا ہے ۔ترکمن صدرآکھیا جو افغانستان اچ امن پورے خطے سانگے کلیدی حیثیت رکھیندا ہے ، افغانستان اچ امن خطے اتے خود افغانستان دے مفاد اچ ہے۔
.jpg)
