اسلام آباد۔4اپریل(اے پی پی):وفاقی وزیر اطلاعات و نشریات عطاء اللہ تارڑ آکھیے جو معاشی استحکام کیتے ہر کہیں کوں کردار ادا کرݨا چاہیدے، معاشی اشاریے چنڳے تھیندے پن، معشیت چنڳی اتے مہانگ ڳھٹدا پئے، معیشت تے سیاست نئیں تھیوݨی چاہیدی۔ اسلام آباد اچ وزیراعظم دی کوآرڈینیٹر برائے ماحولیاتی تبدیلی رومینہ خورشید عالم نال پریس کانفرنس کریندے انہاں آکھیا جو ملکی معیشت تکڑی تھیندی پئی اے، سٹاک ایکسچینج اچ مثبت رجحان اے، قومی ایئر لائن دا سالانہ خسارہ 80 ارب روپے اے، ایندی نجکاری اڳو تے ودھدی پئی اے۔ انہاں آکھیا جو وزیراعظم شہباز شریف کابینہ اجلاس اچ مثبت معاشی اشاریاں دا تفصیلی ݙسائے، ساݙی پچھلی 16 مہینے دی حکومت اچ معیشت دے استحکام دی بنیاد رکھی گئی ہئی، ملک کوں ݙیوالا تھیوݨ توں بچائے، آئی ایم ایف نال مذاکرات تھئین اتے سٹینڈ بائی ایگریمنٹ تھئے جیندے نال جیندے نال روپے دی قدر اچ استحکام اتے ایکسچینج ریٹ اچ بہتری ݙٹھی ونڄ سڳدی اے۔ وفاقی وزیر اطلاعات آکھیا ڄݙاں وی معیشت اچ استحکام دیاں خبراں آندن، سٹاک ایکسچینج اچ تیزی آندی اے، بلوم برگ وی پاکستان اچ مہنگائی دی شرح ڳھتݨ دی پیشنگوئی کیتی اے۔ وفاقی وزیر آکھیے جو پی آئی اے دی نجکاری بارے میڈیا عوام کوں حقائق ݙسائن، پی آئی اے دا سالانہ خسارہ 80 ارب روپے اے جیڑھا عوام کوں برداشت کرݨا پوندا ہا۔
.jpg)
.jpg)
.jpg)
