اسلام آباد۔5 اکتوبر(اے پی پی)وزیراعظم شہباز شریف دی ہدایت تے کساناں دے مطالبات دے حل سانڳے 4 رکنی وزارتی کمیٹی اتے کسان نمائنداں دے باضابطہ مذاکرات شروع تھی ڳین۔ حکومتی ٹیم اچ وفاقی وزیر داخلہ رانا ثناءاللہ خان، وفاقی وزیر بجلی انجینئر خرم دستگیر خان، وفاقی وزیر قومی غذائی تحفظ و تحقیق طارق بشیر چیمہ تے وزیراعظم دے مشیر امور کشمیر، گلگت بلستان قمرالزمان کائرہ شامل ہین۔ سیکرٹری وزارت بجلی، وزارت قومی غذائی تحفظ و تحقیق اتے ایڈیشنل سیکرٹری خزانہ وی موجود ہن۔ کسان اتحاد یونین دی نمائندگی خالد کھوکھر اتے عامر وٹو کریندے پن۔ وزیر داخلہ رانا ثناءاللہ آکھیا جو کسان اتحاد یونین نال مذاکرات کامیاب رہین، ٹیوب ویلاں دے بجلی ٻل ٻھرݨ پہلے ہی موخر تھی چکی اے، حکومت کساناں نال وعدے پورے کریسی، وزیراعظم شہباز شریف ایں مہینے کسان پیکیج دا اعلان کریسن، مذاکرات توں بعد کساناں دے مطالبات وزیراعظم کوں پیش کریسوں، کسان پیکیج اچ شعبہ زراعت اتے کساناں کیتے مراعات دا اعلان کیتا ویسی۔
.jpg)
.jpg)
