اسلام آباد – 17 اپريل (اي پي پي) وزيراعظم عمران خان چيو آهي ته حڪومت ڪورونا وائرس کي منهن ڏيڻ لاءِ موثر قدم کڻي رهي آهي، زراعت جي شعبي کي بجيٽ ۾ خصوصي ڌيان ڏئي ترقي ڏني ويندي، پارليامينٽ کي موثر ۽ فعال رکڻ انتهائي ضروري آهي. اهڙن خيالن جو اظهار هن قومي اسيمبلي جي اسپيڪر اسد قيصر سان ڳالهائيندي ڪيو، جنهن ساڻس ملاقات ڪئي. ملاقات دوران سياسي ۽ ڪورونا جي صورتحال تي خيالن جي ڏي وٺ سميت معيشت کي درپيش چئلينجز ۽ حڪومتي قدمن تي ڳالهه ٻولهه ٿي.
