ملتان۔ 28 ستمبر(اے پی پی) چیف جسٹس لاہور ہائیکورٹ جسٹس محمد امیر بھٹی دی خمیس دے ݙینھ ہائیکورٹ بینچ ملتان آمد تے سینئرجج جسٹس شجاعت علی خان اتے ٻئیں انہاں دا استقبال کیتا۔چیف جسٹس لاہور ہائیکورٹ کورٹ نمبر1 اچ مختلف کیساں دی سماعت کیتی،بعد اچ انہاں ملتان بینچ اچ پارکنگ پلازہ اتے بار ہال دی سجاوٹ دا افتتاح کیتا۔ بار حال اچ خطاب کریندے ہوئیں چیف جسٹس آکھیے وکلا اتے بارز دے مسئلیں دے حل سانگے ہرممکن کوشش کریندا پیاں ۔ انہاں مختلف وکیلاں دے وفد نال ملاقاتاں وی کیتیاں ۔ وکیلاں دے وفد مسئلیں دا چیف جسٹس کوں ݙسایا جیں تے انہاں مسئلیں کوں ترجیحی بنیاداں تے حل کرݨ دا یقین ݙیوائے اتے ہدایات وی جاری کیتن۔ واضح رہے جو جسٹس محمد امیر بھٹی گزریل رات چھی ݙینھ دے دورے تے ملتان پڄے ہن ۔ او آپݨے دورے اچ ملتان بینچ اچ مختلف کیساں دی سماعت اتے ملتان سودھے جنوبی پنجاب دی مختلف بارز دے وکلا وفد نال ملاقاتاں وی کریسن ۔
.jpg)
