اسلام آباد۔14ستمبر(اے پی پی)ترجمان دفتر خارجہ ممتاز زہرا بلوچ آکھیے نگران وزیراعظم انوار الحق کاکڑ 18 توں 23 ستمبر تئیں نیویارک اچ اقوام متحدہ دی جنرل اسمبلی دے 78ویں اجلاس اچ شرکت کریسن ۔وزیراعظم اقوام متحدہ دی جنرل اسمبلی توں خطاب کریسں ۔نگران وزیر خارجہ جلیل عباس جیلانی وی نگران وزیراعظم دے رلے ہوسن ۔دفتر خارجہ اچ ہفتہ وار میڈیا بریفنگ ݙیندے ہوئیں ترجمان آکھیے اقوام متحدہ جنرل اسمبلی دے اجلاس اچ نگران وزیراعظم مختلف ملکاں دے ہم منصوباں اتے سربراہان نال ݙو طرفہ ملاقاتاں کریسن ۔دورے اچ نگران وزیراعظم انٹرنیشنل میڈیا نال ڳالھ مہاڑ وی کریسن ۔ترجمان مزید آکھیے نگران وزیر خارجہ برطانیہ اچ دولت مشترکہ دی یوتھ وزارتی اجلاس دی صدارت کیتی ۔اجلاس اچ وزیر خارجہ پاکستان دی طرفوں نینگراں خاص طور تے چھوہریں تے پسماندہ طبقیں دی نینگراں کوں اڳوں گھن آوݨ سانگے اقدامات دا ݙسایا ۔ ترجمان آکھیے بھارت دے غیرقانونی زیرقبضہ جموں کشمیر اچ تریمتاں کوں نشانہ بݨایا ویندا پئے ۔بھارتی فورسز دے ہتھوں مقبوضہ جموں کشمیر اچ انسانی حقوق دیاں مسلسل خلاف ورزیاں جاری ہن۔
.jpg)
