اسلام آباد۔31مئی(اے پی پی)وفاقی وزیر سائنس وٹیکنالوجی شبلی فراز نال پاکستان اچ ہنگری دے سفیر بیلا فایزکاس ملین اتے سائنس و ٹیکنالوجی دے شعبہ اچ تعلقات ٻئے تکڑے کرݨ تے زور ݙتے۔ ہنگری دے سفیر ایں سال نومبر اچ تھیوݨ آلے پلینٹ بڈاپسٹ 2021 ، ایکسپو اتے سمٹ اچ شرکت دی دعوت ݙتی۔ شبلی فراز آکھیا جو ماحولیات اتے پاݨی دے مسلے تے قابو پاوݨ سانڳے پاکسان زراعت، پاݨی اتے خوراک تے ودھ توجہ ݙیندا پئے اتے ایندے کیتے پاݨی دے مسلے تے ہک قومی کانفرنس وی تھیندی پئی اے جیندے بعد ہک بین الاقوامی کانفرنس وی تھیسی۔ وفاقی وزیر تکنیکی و سائنسی شعباں اچ انٹرنشپ اتے ٹریننگ پروگراماں دی وی تجویز ݙتی۔
