اسلام آباد۔18اکتوبر (اے پی پی):صدر مملکت ڈاکٹر عارف علوی اسرائیل دی طرفوں سنگین جنگی جرائم دے ارتکاب تے تشویش دا اظہار کریندے ہوئیں آکھیے اسرائیل ھک ہسپتال تے حملہ کر تے سارے بین الاقوامی اتے اخلاقی اصولاں کوں پامال کیتے۔ ایوان صدر دے پریس ونگ توں جاری بیان موجب صدر مملکت ڈاکٹر عارف علوی غزہ اچ ہسپتال تے وحشیانہ اسرائیلی فضائی حملے دے نتیجے اچ تریمتاں تے ٻالاں سودھے سینکڑاں لوکاں دے جاں بحق تھیوݨ دے واقعے دی مذمت کیتی اے ۔ صدر مملکت دا اسرائیلی فضائی حملے دے نتیجے اچ نشوم جاناں دے المناک ضیان تے ݙکھ تے افسوس کیتے ۔صدر مملکت آکھیے اسرائیل شہری آبادیاں اتے صحت دیاں سہولتاں کوں بلاامتیاز نشانہ بݨیندا پئے عالمی برادری اسرائیل کوں ایندے جنگی جرائم تے جوابدہ ٹھہراوے اتے اسرائیلی بمباری اتے غزہ دے جاری محاصرے کوں وختی طور تے روکݨ سانڳے اقدامات کرے۔
.jpg)
