اسلام آباد۔9مئی (اے پی پی):وزیراعظم شہباز شریف آکھیے ملک دے اہم ادارے دے خلاف جیڑھا زہر اڳلیا ڳئے حقیقت اچ اے پاکستان دے خلاف سازش اے، جے ایندا ??ستہ نہ روکیا ڳیا تاں شام تے لیبیا دی صورتحال پیدا ??ھی سڳدی اے ، گزریل حکومت اچ ملک دے مجموعی قرضیں دی شرح اچ 80 ودھارا کرتے آندیاں نسلاں کو?? وی گروی رکھ ݙتا ڳئے ۔ قومی اسمبلی دے اجلاس اچ ڳالھ کریندے ہوئیں وزیراعظم آکھیے جو مئی دے بعد لوڈشیڈنگ گھٹ ضرورتھئی اے ، ماضی دی حکومت تیل، گیس ویلھے تے نی منگوایا، جݙاں تئیں دنیا دی منڈی اچ گیس 3 ڈالرفی یونٹ او?? ویلھے گیس نی منڳوائی ڳئی، تیل مافیا حکومت دی نبض تے چھایا رہیا، سستی گیس نہ گھن تے ارباں روپے دا ??یان ملک کوں پڄایا ڳیا ، ہر سال پلانٹس دی مرمت تھیندی اے ۔انہاں آکھیے جو نالائق، کرپٹ حکومت پلانٹس دی مرمت دی پرواہ نہ کیتی، اساں گیس دے جہاز مل ڳھدن ، ساڈھے 5 ہزار ارب دا فیسکل ڈیفیسٹ تاریخ دا ??اریں توں ودھ اے ، پوݨے چارسالاں اچ مجموعی قرضیں وچ 85 فیصد ودھارا کرݙتا ڳئے ، پی ٹی آئی دی سابق حکومت قرضے ڳھدے ، اھک نویں سلھ نورعالم خان دے حلقے سودھے کہیں جاہ نی لڳی ۔وزیراعظم آکھیے جو قرضےگھن تے آوݨ آلی نسل کوں گروی رکھ ݙتا ڳئے ، ݙینھ رات چور،ڈاکو دا ??اڳ الاپ تے قوم دا ویلھا ونڄایا ڳئے ، کل عمران خان ٻہوں خطرناک ڳالھ کیتی، عمران خان آکھیے جو سراج الدولہ دے سپہ سالار میر جعفر، میرصادق نکلیے، غداری، وفاداری دے سرٹیفکیٹ ونڈیے ویندے پئن ۔ امریکا اچ پاکستانی سفیرآکھیے جو خط اچ لکھی تڑی آلی ڳالھ ہئی لیکن سازش یا غداری دا ??نصر کتھوں نکل آیا، خط قومی سلامتی کمیٹی اچ پڑھیا وی ڳیا، خط اچ سازش دا پرے پرے تئیں کوئی ثبوت کائنی ،شہباز شریف آکھیے جو روزانہ دی بنیاد تے بھارت اتے او اساکو تڑیاں ݙیندے تاں کیا اے سازش اے؟ تڑی دی تاریخ تاں ٻہوں لمبی اے ، سازش دا لفظ کتھوں نکلیے؟ عمران نیازی کل پاکستان دے ادارے بارے ٻہوں گندی ڳالھ کیتی اے۔ اے چاہندن جو جمہوریت ختم اتےایجھا نظام آونڄے جو ہر پاسے شورش ہی شورش ہووے، عمران خان دی تقریردا نوٹس ڳھدا ونڄے۔
