اسلام آباد۔ 16 نومبر (اے پی پی) وفاقی وزیر مذہبی امور ڈاکٹر نور الحق قادری آکھیا جو عالمی سطح تے حضور نبی پاک دا امن تے محبت سنھیا پوری دنیا تئیں پجاونڑ سانگے پاکستان دی نویں حکومت مذہبی سفارتکاری سمیت سارے رستے اختیار کریسی،جئیں ویلھے کوئی آپ د ی شان اچ گستاخی کریندے تاں تصادم دی کیفیت تھی ویندی اے،ایں کیفیت توں بچنڑ سانگے حکومت ساری اکائیاں کوں رلا تے رواداری اتے مساوات تے اقدامات کریسی۔جمعہ کوں وزارت مذہبی امور اچ پریس کانفرنس نال خطاب کریندیں ہوئیں انہاں آکھیا جو ہر سال وزارت مذہبی امور قومی سیرت کانفرنس کریندی اے جیڑھی جو 12ربیع الاول دے ڈینھ کریندی اے ،ایں واری نویں پاکستان دی حکومت بین الاقوامی معیار دی سیرت کانفرنس دا اہتمام کیتے جئیں اچ عالم اسلام دے سکالرز دتے علماءکرام دے وفود امسن۔ کانفرنس 11 اتے 12 ربیع الاول بمطابق 20 اتے 21 نومبر کوں تھیسی۔سرکار دو عالم دا یوم ولادت عالمی سطح تے منایو دینے،آپ دی سیرت طیبہ نال انسانیت کوں ہر قسم دی بداخلاقیاں توں اجتناب دا سنھیا ملدے۔پہلے ڈینھ سیرت کانفرنس دی افتتاحی تقریب اچ وزیراعظم عمران خان مہمان خصوصی ہوسن۔20نومبر کوں ڈوجھی نشست اچ مقالات پیش تھیسن اتے تقریراں اچ سیرت طیبہ تے مقررین گالھ مہاڑ کریسن۔21نومبر کوں سیرت کانفرنس دی چھیکڑی نشست اچ صدر مملکت ڈاکٹر عارف علوی مہمان خصوصی ہوسن۔ایں نشست اچ قومی اتے علاقائی زباناں اچ کتب سیرت، نعت اتے مقالات سیرت تے مقابلیاں اچ پہلی،ڈوجھی اتے تریجھی پوزیشن آلیاں کوں انعامات ڈتے ویسن۔
.jpg)
