راولپنڈی۔15اکتوبر(اے پی پی)وزیراعلیٰ پنجاب سردار عثمان بزدار آکھیے جو صرف دعوے نسے کریندے ، عوام دی خدمت کر تے ݙکھیندے پئے ہیں، پنجاب اچ 21 یونیورسٹیاں ٻݨدیاں پین۔ اے ڳالھ انہان راولپنڈی اچ گورنمنٹ پوسٹ گریجویٹ وقار النساء کالج برائے خواتین کوں یونیورسٹی دا درجہ ݙیوݨ دی تقریب نال خطاب اچ آکھی۔ انہاں آکھیا جو عوام دے خواب پورے کرݨ کیتے ساݙی ٹیم چوی ڳھنٹے ردھی ہوئی اے، حکومت پنجاب دے سارے شہریاں اتے علاقیاں کوں ہکو سویں ترقی ݙیوݨ دی سوچ تے عمل کریندی پعی اے، تعلیم اتے صحت دی ترقی سافی ترجیھ اے، ایں سال صحت دے بجٹ اچ 124 فی صد اتے سکول ایجوکیشن دے بجٹ اچ 29 فی صد خاص کر ہائیر ایجوکیشن دے بجٹ اچ 286 فی صد ودھارا کیتے، پنجاب اچ 21 یونیورسٹیز ٻݨسن جیندے اچ 6 ٻݨ ڳین اتے 9 دی منظوری تھی ڳئی اے اتے چھی ٻیاں یونیورسٹیاں تے کم تھیندا پئے، یونیرسٹیاں اچ وزیراعظم دے ویژن دے مطابق سیرت چیئر قائم کیتاں وینداں پین۔ ایں تون پہلے انہاں کالج کوں یونیورسٹی ٻݨاوݨ دی تختی دا افتتاح کیتے اتے دعا کیتی۔
.jpg)