ردیگ۔18مئی (اے پی پی) وزیراعظم شہباز شریف آکھیا جو ایران اتے پاکستان وچال بجلی اتے پٹرولیم دے شعبیاں اچ ٻہوں گنجائش موجود اے، سو میگاواٹ گبد ۔ پولان بجلی ترسیلی منصوبہ پاک ایران تعلقات اچ نویں باب دا ودھارا اے، ݙوہیں ملکاں دی عوام اتے قیادت کوں رَل تے ݙوہیں ملکاں دی ترقی تے خوشحالی کیتے انقلاب ڳھن آوݨا پوسی، اے کم اوکھا نی، بارڈر سیکورٹی میکنزم کوں ٻیا بہتر کیتا ویسی تانجو ݙوہیں ملکاں دی عوام دے دلاں اچ دراڑ پاوݨ آلیاں دے عزائم کوں مٹی اچ پاتا ونڄے۔ اے ڳالھیں انہاں سو میگاواٹ گبد ۔ پولان بجلی ترسیلی منصوبے دی افتتاحی تقریب توں خطاب کریندیں ہ??ئی?? آکھی۔ تقریب اچ ایران دے صدر ابراہیم رئیسی وی موجود ہن۔ وزیراعظم آکھیا جو اڄ پاکستان اتے ایران دی تاریخ اچ ہک نویں باب دا ودھارا تھیے، ایندے اچ کوئی شک نی جو ایران اتے پاکستان ݙو برادر ملک ہن جیڑھے اسلام، محبت، اخوت اتے ثقافتی رشتیاں اچ نہ صرف جڑین بلکہ اساݙی تاریخ صدیاں دی اے۔ انہاں آکھیا جو ایران ولوں اڄ اساݙا پرتپاک استقبال کیتا ڳے جئیں تے میں انہاں ایران دے صدر دا شکریہ ادا کرینداں۔ انہاں آکھیا جو اڄ ݙوہیں ملکاں پشین مند بارڈر ??ار??یٹ دا افتتاح کیتے۔ ایجھی چھی ٻی ??ار??یتاں ٻݨسن اتے ایں نطام نال نہ صرف خطے اچ خوشحالی امسی بلکہ ت??قی دا نواں سفر شروع تھیسی۔ وزیراعظم آکھیا جو اساں 100 میگاواٹ دی ٹرانسمیشن لائن دا وی افتتاح کیتے جئیں نال گوادر دے شہری فائدہ چیسن۔ انہاں آکھیا جو بدقسمتی نال اے منصوبہ کئی سالیں توں التواء دا شکار تھی ڳیا ہئی اتے اے دیر ایران ولوں نی پاکستان ولوں ہئی۔ انہاں آکھیا جو پاکستان اتے ایران وچال بجلی اتے پٹرولیم دے شعبیاں اچ ٻہوں گنجائش اے، ایں بارے ایران دے صدر نال تفصیلی ڳالھ تھئی اے۔ میکوں پوری امید اے جو ݙوہیں ملکاں دی عوام دی ترقی تے خوشحالی کیتے ایں بارے پیشرفت کیتی ویسی۔ انہاں آکھیا جو اڄ ایران دے صدر نال شمسی توانائی نال بجلی ٻݨاوݨ دے منصوبے تے وی ڳالھ تھئی اے جئیں تے ایران دے صدر اتفاق کیتے ۔ایں بارے اساݙی ٹیم جلدی تہران ویسی۔ وزیراعظم آکھیا جو انہاں ایران دے صدر کوں ہک واری ولا پاکستان دے دورے دی دعوت ݙتی اے اتے انہاں توں درخواست کیتی اے جو اساݙی اسمبلی دی مدت 16 اگست کوں مُک ویسی، میکوں پوری امید اے جو او ایں مدت دے چھیکڑ توں پہلے پاکستان تشریف ڳھن امسن اتے اساکوں میزبانی دا موقع ݙیسن۔وزیر توانائی خرم دستگیر تقریب توں خطاب کریندیں ہ??ئی?? آکھیا جو گبد پولان ٹرانسمیشن لائن ریکارڈ مدت اچ پوری کیتی ویسی، ایں مںصوبے نال پاکستان اتے ایران وچال ترقی دے نویں راہ کھلسن۔ انہاں آکھیاجو گوادر دی توانائی دی لوڑھ پوری تھیسی اتے اتھ صنعتی ترقی تھیسی۔ وفاقی وزیر توانائی منصوبے دے افتتاح تے ایران دے صدر ابراہیم رئیسی اتے وزیراعظم شہباز شریف دا شکریہ ادا کیتا۔ انہاں آکھیا جو بارشاں اتے چھل دی صورتحال دے باوجود اے منصوبہ ریکارڈ مد اچ پورا کیتا ویسی۔ ایں منصوبے نال پاکستان اتے ایران دے تعلقات ٻے ودھسن۔
