اسلام آباد۔31اگست (اے پی پی) صدر مملکت آصف علی زرداری شنگھائی تعاون تنظیم کوں اعتماد، مساوات اتے خوشحالی دا سانجھا ویژن قرار ݙیندیں آکھیے جو گھٹ ویلھے اچ ایس سی او دنیا دی ساریں توں وݙی علاقائی تنظیم اتے ہک تکڑا وݨ بݨ چکی اے جیڑھی امن، استحکام اتے خوشحالی دے ??دھ??رے کیتے کوشاں اے، ایس سی او دے جغرافیائی تسلسل اساں کوں تاریخی موقع ݙتے جیڑھا اساں معاشی رابطیں کیتے رَل تے کم کروں، اساں کوں غربت، ماحولیاتی تبدیلیاں اتے غیر مساوات دے خلاف سانجھیاں کوششاں ??رݨ??اں ہوسن۔ پاکستان اتے چین بھرا ہن، اساݙے مثالی تعلقات تے ݙوجھے ملک رشک کریندن۔ سی پیک اساݙی دوستی دا مظہر اتے پاکستان دی معاشی ترقی دی علامت بݨ ڳئے۔ پاکستان چین دے ویژن دی بھرپور تائید کریندے جو ایس سی او دے جھنڈے تلے “شنگھائی اسپرٹ” کوں ??دھ??یا وںڄے، شنگھائی تعاون تنظیم دے سربراہ اجلاس دے موقع تے چائنہ ڈیلی اچ شائع تھیوݨ آلے ہک مضمون اچ صدر مملکت چین دے آپݨے گزریل کئی ݙہاکیاں تے مبنی دوریں کوں یاد کریندیں آکھیے جو میں ہمیشہ چین کوں آپݨا ݙوجھا گھر سمجھداں۔ میکوں اتے میکوں خاندان کوں جیڑھا پیار اتے مہمان نوازی ݙتی ڳئی، اتے پاکستانی عوام کوں ہر موقع تے جیڑھا مضبوط اتے پکا ساتھ ݙتا ڳیا، او یاداں میݙے دل و دماغ اچ ہمیشہ کیتے نقش ہن۔ انہاں آکھیا جو میں چینی صدر شی جن پنگ کوں شنگھائی تعاون تنظیم (ایس سی او) دے اجلاس دی میزبانی تے مبارخ پیش کرینداں، جیڑھی آپݨی نوعیت دا ساریں توں وݙا اجلاس اے اتے جیں دی میزبانی سوہݨا شہر تیانجن کریندا پئے۔ مارچ 2012 اچ میݙا ایں تے رونق شہر اچ تھوڑا جہیا قیام تھیا ہئی جیڑھا ہݨ حیران کُن حد تئیں ترقی کر چُکئے۔ انہاں آکھیا جو میں چین کیتے صدر شی دی اڳواݨی اچ ایس سی او اجلاس دے بنیادی ایجنڈے کوں اڳوں ??دھ??وݨ اچ کامیابی دی دعا کرینداں۔ انہاں آکھیا جو صدر شی دا ویژن انسانیت کیتے سانجھے مستقبل دی کمیونٹی بالکل اوہا چیز اے جیڑھی ایں تنظیم ݙہاکیاں اچ آپݨے کیتے طے کیتے، پاکستان کیتے اے اعزاز ہئی جو ایں گزریل سال اکتوبر اچ رُکن ملکاں دے سربراہان حکومت دی 23ویں کونسل دی میزبانی کیتی۔ انہاں آکھیا جو ایس سی او جݙاں شروع تھیا تاں ہک نِکّا ٻوٹا ہئی پر اڄ اے ہک مضبوط اتے وݙا وݨ بݨ چُکئے جیڑھا ملکاں کوں ہک کر تے علاقیں اچ امن، استحکام اتے خوشحالی کوں ودھیندے اتے اے مقصد اوں ویلھے حاصل تھی سڳدے ہن جݙاں رُکن ملک اجتماعی طور تے دہشت گردی، انتہا پسندی اتے علیحدگی پسندی جیھے ترائے وݙے خطریں تے قابو پیسن، نتاں اے دنیا کوں انتشار اچ گھت سڳدن ۔ گھٹ ویلھے اچ ایس سی او دنیا دی ساریں توں وݙی علاقائی تنظیم بݨ چُکی اے، جیڑھی یوریشیا دے 80 فیصد رقبے اتے دنیا دی 40 فیصد آبادی تے مشتمل اے۔ اے تنظیم جامع اتے مسلسل ??دھ??ی پئی اے۔ انہاں آکھیا جو ایس سی او دے جغرافیائی تسلسل اساں کوں تاریخی موقع ݙتے جو اساں معاشی رابطیں کیتے رَل تے کم کروں، غربت، ماحولیاتی تبدیلی اتے بائیو ڈگریڈیشن جیھے سانجھے مسلیں دا سامݨا کروں۔ اساں کوں غربت اتے غیر مساوات دے خلاف سانجھیاں کوششاں ??رݨ??اں ہوسن۔ ول ہی اساں اصلی انسانی تحفظ کوں ہک منصفانہ عالمی نظام اچ یقینی بݨا سڳسوں۔ گزریل سالاں اچ ایس سی او دی کارکردگی، خاص طور تے دہشت گردی دے خاتمے، سرحد پار جرم خاص طور تے منشیات دی سمگلنگ تے قابو پاوݨ اچ متاثر کُن رہی اے۔ انہاں آکھیا جو تیانجن اجلاس اساں کوں اڳلے ݙہاکے کیتے ہر طرح دی ترقی دا روڈ میپ طے کرݨ دا موقع فراہم ݙیندے ، ایں اجلاس دے اہم کماں اچوں ہک اے ہے جو اساں اصلی ٻہوں جہتی کوں ??دھ??ؤں، جیڑھی صرف امن و سلامتی تئیں محدود نہ ہووے بلکہ معیشت، مالیات، تجارت اتے ٹیکنالوجی اچ وی تعلقات کوں ??دھ??وے۔ اساݙا فرض اے جو اساں عالمی اداریں کوں تکڑا بݨاؤں۔ ایں نال عالمی منڈیاں اچ الہہ چڑھ کوں قابو اچ رکھݨ اتے استحکام گھن آوݨ اچ مدد مِلسی۔ انہاں آکھیا جو 2024 اچ چین دی ایس سی او ملکاں دے نال تجارت ودھ تے ادھ کھرب ڈالر تئیں پڄ ڳئی، جیڑھی ایں تنظیم دی ??دھ??ی ہوئی اہمیت دا ثبوت اے۔ صدر مملکت آکھیا جو اساں چین دے ودھݨ اتے ایں دی علاقائی و عالمی اڳواݨی تے ماݨ کریندوں اتے ݙوہیں ملکاں دا تعلق ہک ایہجی داستان اے جیں تے ݙوجھیاں قوماں رشک کریندن۔ انہاں آکھیا جو ایں تعلق اچ گہرائی وی اے اتے پائیداری وی اے اتے اساݙا تزویراتی تعاون پوری دنیا اچ منیا ونڄݨ آلا اے۔ انہاں ݙسایا جو اساں ہک ݙوجھے دے بنیادی مسلیں اتے اصولاں خودمختاری، علاقائی سالمیت اتے سیاسی آزادی تے ہمیشہ ہک ݙوجھے دے نال کھڑے رہیوں انہاں آکھیا جو عالمی فورمز تے اساں ݙوہیں ملک نیڑے دا تعاون کریندوں اتے چین ہمیشہ پاکستان دا خاص طور تے اساݙی تاریخ دے ساریں توں اوکھے ویلھے اچ ساتھ ݙتے۔ انہاں آکھیا جو میݙا چین دے نال ہک خاص تعلق اے، میݙے سوہرے، وزیرِاعظم ذوالفقار علی بھٹو، چین دے بانی اڳواݨاں چیئرمین ماؤ زے تنگ اتے وزیراعظم چو این لائی دے نال رَل تے پاکستان چین دوستی دے معمار ہن، میری اہلیہ، وزیرِاعظم بے نظیر بھٹو، ایں رشتے کوں مزید گھاٹا کیتا اتے میکوں آپݨی درجن بھر توں ودھ چین دیاں مسافتاں دے دوران چینی اڳواݨی خاص طور تے صدر شی دے نال نیڑے دا کم کرݨ دا اعزاز حاصل تھیا، جیں دا نتیجہ چین-پاکستان اقتصادی راہداری (سی پیک) دے تصور اتے آغاز دی صورت اچ سامݨے آیا۔ اڄ سی پیک اساݙی دوستی دا مظہر اتے پاکستان دی معیشت دی ترقی دی علامت بݨ چُکئے۔ صدر مملکت آکھیا جو ایں سال فروری اچ میݙا چین دا دورہ میݙے ایں یقین کوں مزید پکا کر ڳیا جو بھانویں اساں رَل تے شاندار کامیابیاں حاصل کیتن، پر اساں کوں ہݨ وی ٻئے وݙے کردار ادا ??رݨ?? ہن تاں جو آپݨے تعلقات کوں دفاع، سائبر سکیورٹی، نویاں ٹیکنالوجیز اتے توانائی سودھے مختلف شعبیں اچ مزید مضبوط کروں اتے آپݨے خطے کوں تجارت اتے سانجھی خوشحالی دا گہوارہ بݨاؤں۔ انہاں آکھیا جو ہݨ دنیا ڄاݨ ڳئی اے جو ایس سی او کوئی فوجی اتحاد کائںی، بلکہ ہک ایجھی تنظی?? ا?? جیڑھی انسانیت دی خدمت کیتے معاشی تعاون اتے قوماں وچال سمجھداری کوں ودھیندی اے۔ انہاں آکھیا جو پاکستان چین دے ویژن دی بھرپور تائید کریندے جو ایس سی او دے جھنڈے تلے شنگھائی اسپرٹ کوں ??دھ??یا ونڄے، جیڑھی یوریشیا اتے ساریاں قوماں کیتے آپسی اعتماد، خود مختار برابری اتے سانجھی ترقی دا فریم ورک فراہم کریندے۔
